Portugalia ka triumfuar 2-1 përballë Çekisë në ndeshjen e parë në Euro 2024, përkatësisht në Grupin F.
Portugezët dominuan qysh nga fillimi, por në 45 minutat e parë mbrojta çeke ishte e pathyeshme.
Cristiano Ronaldo kishte një mundësi të artë që të shënonte në minutën e 33-të, por që Jindrich Stanek ishte në vend.
Në 45 minutat e dytë ishte një skenar tjetër, me Çekinë që kaloi e para në epërsi.
Ishte Vladimir Coufal, ai që asistoi te Lukas Provod, që realizoi për 1-0 në minutën e 62-të.
Epërsia e çekëve zgjati vetëm shtatë minuta, pasi Robin Hranac (69’), ishte fytyra tragjike e kombëtares së tij, duke i barazuar shifrat në 1-1.
Portugezët shkuan me të gjitha forcat në sulm, me Ronaldon që rrezikoi në minutën e 87-të, por që goditi shtyllën.
Nga topi i kthyer, Diogo Jota mendoi se kishte shënuar, mirëpo VAR-i e anuloi për pozicion jashtë loje në ndërtimin e aksionit.
Portugalia nuk u dorëzua dhe arriti të shënojë golin e fitores me anë të Francisco Conceicao (90+2’), për rezultatin 2-1.
Turqia është lidere e Grupit F me tri pikë, aq sa ka edhe Portugalia, ndërsa Çekia dhe Gjeorgjia janë pa pikë. /Telegrafi/
Rritja e nivelit të manganit, KRU “Prishtina” ve...
Udhëheqësi i ri i NATO-s zotohet të rrisë mbështetjen për Uk...
Arrin në 20 numri i të vdekurve nga përmbytjet në Bosnjë
Rama: Së shpejti, Prishtina do të jetë pa qen endacak në hap...
Haxhiu: Kemi ende punë për të bërë për fuqizimin e grave
Kosova përfundoi në vendin e parë nga 11 shtete pjesëmarrëse...